Më 15 qershor përfundoi aplikimi i operatorëve të plazheve për të krijuar stacionet e plazhit. Blendi Klosi ministri i Turizmit dhe Mjedisit tha në emisionin HARD TALK NGA ROLAND QAFOKU se janë 1800 biznese që janë në proces pas kalimit të fazës së parë. Në emisionin HARD TALK NGA ROLAND QAFOKU, Klosi shtoi se për 300 të tjerë është refuzuar kërkesa e aplikimit.
-Sa kontrata ka Agjencia Kombëtare e Bregdetit për stacionet e plazhit që ju e keni hapur si aplikim para disa javësh?
-Në 1 qershor filloi një formulë e re për të marrë një stacion plazhi e cila është mbyllur në 15 qershor. Shqipëria afroi shumë më tepër hapësira publike, rreth 15% të hapësirave të saj për bërje plazhi. Nga këto, 50% janë për plazhin publik dhe pjesa tjetër plazhit të menaxhuar. Janë bërë rreth 1800 aplikime për parcela por nuk janë 1800 stacione. Shënojnë 70-80% të parcelave të vëna në dispozicion. Për të gjitha këto tashmë është në proces lidhje kontratash. Ka kaluar në një komision të përbërë nga Ministria e Turizmit dhe Ministria e Shëndetësisë. Është bërë një punë e jashtëzakonshme, është bërë tashmë një database jashtëzakonisht transparent por edhe një hipotekë e re e stacioneve të plazhit në Shqipëri. Përfituesit janë në negocime me bashkitë.
-Nuk është e thënë që 1800 të marrin licencën?
-Jo, jo ka pasur rreth 300 refuzime./Fjala.al/Ke.Ba
https://www.youtube.com/watch?v=dOnJJAgVZcs
