Një avokat i cili i drejtoi armën protestuesve të ‘Black Lives Matter’ tregoi se ai ishte përballur më parë me terrorizmin dhe se kjo i kishte shkatërruar jetën.
Videoja që u bë virale tregoi çiftin Mark dhe Patricia McCloskey duke i drejtuar armën protestuesve që po marshonin pranë shtëpisë së tyre në St. Louis.
Duke folur të martën për CNN-në, Mark McCloskey tha se ai ishte “i frikësuar” dhe se po përpiqej të “mbronte” gruan dhe shtëpinë e tij.
“Unë isha i frikësuar për jetën time, po mbroja gruan time, shtëpinë time. Isha viktimë e një turme që erdhi përmes portës,” tha ai për CNN.
“Nuk më intereson çfarë ngjyre ishin. Nuk më intereson se cili ishte qëllimi i tyre”, shtoi ai.
Incidentet erdhën në mesin e protestave të vazhdueshme pas vdekjes së George Floyd.
Demonstruesit në të gjithë vendin kanë treguar mbështetje për lëvizjen ‘Black Lives Matter’, pasi ata bëjnë thirrje për t’i dhënë fund racizmit sistematik dhe brutalitetit të policisë. Ka.Li/fjala.al/Burimi:The Sun