Merr zgjidhje furnizimi me ujë të pijshëm për banorët në rrugën “Spahiu”, në zonën e Shkozës.
Pas kërkesave të banorëve ka ndërhyrë ndërmarrja e Ujësjellës-Kanalizimeve të Tiranës, e cila ka shtruar një linjë tërësisht të re për furnizimin me ujë të pijshëm të kryeqytetit.
Bashkia e Tiranës po punon dhe për rinovimin e gjithë rrjetit të shpërndarjes së ujit të pijshëm nëpër lagje.
Për këto investime kryetari i bashkisë Tiranë Erion Veliaj është shprehur: “Me investimin e ri në Bovillë, që s’ishte bërë për 30 vitesh, kemi kaluar në 62% të Tiranës me 24 orë ujë. Dyfishimi i prurjeve në Bovillë dhe dyfishimi i filtrimit, na kanë prodhuar një rezultat fantastik në terren.
Megjithatë, do të vazhdojmë testimet dhe më vjen mirë se zona që më përpara e mbulonte Kombinati, pra zona e Astirit dhe Yzberishtit, kanë një rritje të ndjeshme të furnizimit me ujë. Ende s’jemi në24 orë ujë, por nga një herë në ditë me 2-3 orë, të shkosh në 14-15 orë, është si dita me natën. Fakti që banorët janë përgjigjur shumë pozitivisht, do të thotë se duhet të vazhdojmë derisa ta çojmë Tiranën 100%”, u shpreh Veliaj./Bl.Ba/Fjala.al
