Më 2 korrik 1990 në Shqipërinë komuniste ndodhi një ngjarje që cilësohet si grushti i parë i fortë ndaj atij regjimi. Në fakt grushtin e parë ai regjim e kishte marrë nga gjashtë pjesëtarë të familjes Popa të cilët në dhjetor të vitit 1985 ishin futur në ambasadën italiane dhe qëndronin ende aty.
Por në 25 qershor dhe deri më 2 korrik, të rinj dhe të reja nisën futjen masive në godinat e ambasadave të huaja duke kërkuar strehim politik në shenjë proteste ndaj atij regjimi. Shifra e të future në shumë godina diplomatike arriti në 5200, ndërkohë që numrin më të madh e kishte ambasadave gjermane me 2 mijë. Më 15 korrik, të gjithë të futur në këto ambasada u pajisën me pasaporta dhe u dërguan në Durrës. Prej andej u shpërndanë nëpër Evropë. Kjo ngjarje cilësohet edhe si rrëzimi i murit të Berlinit shqiptar dhe këtu nisi rrëzimi i komunizmit në vendin tonë.
Gazeta “Fjala” sjell sot 10 fotot më interesante të realizuara ato ditë në të cilat dallohen personat që janë futur në godinat e e diplomacive të huaja duke hyrë në histori me atë që quhet ngjarja e 2 korrikut të ambasadave.
