Piloti anglez Lewis Hamilton po kërkon 40 milionë Paund në vit për të nënshkruar një marrëveshje të re me skuadrën e Mercedes. Kampioni botëror për gjashtë here në garat e Formula 1, kontrata e të cilit do të skadojë në fund të këtij viti, do të përcaktojë kushtet e tij në negociatat me drejtorin e ekipit Toto Wolff gjatë javëve në vazhdim.
Hamilton, 35 vjeç, po kërkon një përmirësim të pagës së tij aktuale, nga 36 milionë Paund në 40 milionë. Një rritje e tillë do ta bënte Hamilton qartësisht pilotin më të paguar të globit. Bisedimet ranë në heshtje gjatë ndërprerjes së shkaktuar nga Covid-19, por Mercedes tani pret një përparim ndërsa Hamilton dhe Wolff presin startin e sezonit në Grand Prix të Austrisë të dielën.
Të dy palët pretendojnë se janë të qetë për arritjen e një marrëveshje, duke thënë se ata besojnë njëri-tjetrin në mënyrë të verbër. Fakti që Ferrari e ka zgjidhur përzgjedhjen e shoferit të tyre – duke e sjellë Carlos Sainz si partner të Charles Leclerc sezonin e ardhshëm – zvogëlon opsionet dhe e kufizon fuqinë e pazareve të Hamilton në negociata.
Sidoqoftë, e ardhmja e Wolff dhe thashethemet për përfshirjen afatgjatë të Mercedes në këtë sport – mund të kenë akoma një ndikim. Wolff do të mbetet në krye, megjithëse ai ndoshta do të kalojë në një rol më të distancuar si drejtori i Bordit. Sainz, i cili aktualisht është te McLaren, është i lidhur me Ferrari vetëm për vitin 2021, që do të thotë se mund të ketë ende hapësirë për Hamilton vitin e ardhshëm te “Kokëkuqja”.
