Revolta që ka kapluar shumë shtete në SHBA pas vrasjes së afroamerikanit George Floyd nga policia, ka kaluar kufijtë dhe po përçon mesazhin kundër racizmit edhe në sport. Në shumë disiplina po aplikohet gjunjëzimi simbolik dhe po mbahen fasha në duar për të kujtuar tifozët ndaj këtij fenomeni negative, por në Angli shkojnë më tej.
Transmetuesit e Premier League në Britaninë e Madhe kanë udhëzsuar të gjithë opinionistët dhe komentatorët për gjuhën publike, dhe u kanë shpërndarë ‘listën e ndaluar të fjalëve dhe frazave’ për shkak të lidhjeve të supozuara për skllavërinë. (fjala.al). Në një E-Mail që përmbajnë listën e frazave të ndaluara Sky Sports i paralajmëroi reporterët të mos përdorin fjalë që mund të ofendojnë shikuesit, madje transmetuesi do të zhvillojë seanca me komentuesit për të diskutuar gjuhën e përdorur.
Mesazhet janë pjesë e një lëvizje të vazhdueshme nga platformat televizive për të siguruar që stafi është i vetëdijshëm për origjinën e gjuhës që ata përdorin gjatë transmetimit direkt.
Sot ‘nitty gritty’ përdoret për të nënkuptuar mungesën e substancës ose bazave dhe thelbin e çështjes, dhe origjina e frazës është e pasigurt – por shumë mendojnë se rrënjët e saj janë në tregtinë e skllevërve. (fjala.al). Përdorimi i tij është i ndaluar në disa institucione, siç është forca policore dhe tashmë edhe në futbollin anglez.
Sidoqoftë, posta elektronike nuk është pritur mirë nga disa anëtarë të stafit. Disa pretendojnë se ata tani përballen me ‘një fushë plotësisht të minuar’ ndërsa do jenë në transmetim direkt. Lëvizja Black Lives Matter ka inkurajuar transmetuesit e futbollit që të përhapë cilat janë frazat problematike, dhe ti ndalojë.(fjala.al).
