Dy persona janë proceduar penalisht nga policia e Shijakut pasi akuzohen për krime mjedisore.
Bëhet fjalë për shtetasit:
- D.K., 49 vjeç, banues në Shijak, pasi është konstatuar nga përfaqësuesit e Drejtorisë Bujqësisë dhe IKMT-së, në një sipërfaqe toke në pronësi të tij, duke bërë gërmime dheu, pa dokumentacionin përkatës;
- L.K., 56 vjeç, banues në Durrës, pasi u konstatua nga shërbimet e Policisë duke kryer gërmime me disa mjete të firmës së tij, pranë shtratit të lumit Erzen, në fshatin Çezmelie, Njësia Administrative Gjepalaj, Shijak.
Ata akuzohen për veprat penale “Shpërdorimi i tokës” dhe “Shkatërrim i pronës”, ndërkohë që i është vendosur dhe masë administrative 2 milion lekë për shtetasin L.K. nga IKMT-ja.
Materialet i kaluan Prokurorisë së Rrethit Gjyqësor Durrës, për veprime të mëtejshme.
/En.Br./Fjala.al
