U bënë javë tashmë që vendi ynë po përballet me shifra të larta të të infektuarve pozitivë në vendin tonë.
Lidhur me këtë situatë ka reaguar edhe shefi i Urgjencës Kombëtare, Skënder Brataj i cili ka një apel drejtuar qytetarëve.
Përmes një mesazhi në rrjetin e tij social Facebook, Brataj i bën thirrje qytetarëve që të kujdesen për veten dhe të tjerët, duke mbajtur maska në ambientet e mbyllura.
“Shqiptar kudo ndodhesh!! Jeta është e shtrenjtë, jeta është e pa kthyeshme, jeta jote është e lidhur me jetën e familjes tënde, jeta jote është e lidhur me jetën e miqve dhe shokëve të tu, jeta jote është e lidhur me jetën time, jeta e të gjithëve është në dorën tënde!
Mos lejo, të mos lejojmë që jetët tona të kërcënohen, jetët tona të humbasin për katër rregulla:
- Mbaj maskën në ambientet e mbyllura
- Mbaj distancën 1.5 metër
- Zbato rregullat e higjenës
- Mos lejo të tjerët ti shkelin këto rregulla”, shkruan Dr. Skender Brataj.
