Kultivimi i bimëve narkotike është bërë një çështje shqetësuese në vendin tonë. Policia po vijon kontrollin intensiv të territorit për parandalimin e kultivimit të bimëve narkotike.
Në Memaliaj është arrestuar në flagrancë një 25-vjeçar.
Shtetasi A. Ç, kishte kultivuar disa bimë kanabis në një pronë publike.
”Shërbimet e Komisariatit të Policisë Tepelenë dhe ato të Stacionit së Policisë Memaliaj, në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, në bazë të informacioneve të siguruara në rrugë operative, si dhe kontrollit të territori, vunë në pranga shtetasin A. Ç., 25 vjeç, banues në fshatin Izvor, Memaliaj, pasi në vendin e quajtur “Përroi i thellë”, pronë publike, u gjetën të kultivuara bimë narkotike”, informon policia.
Materialet në ngarkim të shtetasit të mësipërm i kaluan Prokurorisë së Rrethit Gjyqësor Gjirokastër, për veprime të mëtejshme. Ka.Li/fjala.al
