Alketa Vejsiu është një nga moderatoret më të njohura të ekranit shqiptar.
Ajo njihet për aktet humane që bën shpesh, por moderatorja e famshme ka një të afërm të sajin që prej kohësh endet rrugëve të Korçës, pa shtëpi mbi kokë dhe pa njeri pranë.
Rastin në fjalë e sjell Ilir Vrenozi, i cili përmes një postimi në Facebook, ku poston edhe foton e ‘dajës’ së Alketës, i kërkon kësaj të fundit ta ndihmojë.
Postimi i plotë:
ALKETA VEJSIU SI MBESA E KËTIJ NJERIU NË FOTO TË LUTEM NDIHMOJE
Alketa Vejsiu, e bëra këtë foto për të të kujtuar që ke një njeri të gjakut tënd në Korçë që po vuan…të lutem me dorë në zemër.
Unë e kam patur dhe e kam mik prej vitesh, zotërinë në foto, dakort që ai dështoi në jetë, edhe është fillikat tani dhe i braktisur, foton e bëra nga larg për të mos më parë ai, edhe për të mos u dukur kush është, por ti e di shumë mirë këtë burrë në moshë të thyer krejt të braktisur , ke në Korçë…
Të lutem Alketa kujtohu dhe kujdesu për të, të lutem përpara se të ndihmosh fëmijët e botës ti bësh me shtëpi nëpër spektakle e mirë bën, por ndihmo gjakun tënd të lutem ndihmoje, po vuan jashtë mase, mua më vjen keq po shumë keq , pavarësisht se atij ja bëri koka, e braktisën të gjithë para 20 vitesh, por tani duhet ndihmuar të lutem po flinte në shkallët e lulishtes, s’ka as për të ngrënë as për të pirë, të lutem ndihmoje, të lutem… për atë Zot nuk me tha asnjë njeri të të them , po unë e dija , sepse ai mbureshë për ty kur të shikonim në TVArbëria , kjo është MBESA IME më thoshte gjithmonë, për Zotin…ndiheshe krenare për ty, të lutem ndihmoje të lutem është shumë shumë keq, të lutem për atë Zot , kujtohu për të, se do ta shpërblejë Zoti, të lutem./Ka.Li/fjala.al
