Një lojtar i skuadrës së Ada-s ka rënë në prangat e policisë, pasi gjatë ndeshjes së djeshmet ekipit të tij me Gramshin ka qëlluar arbitrin.
Futbollisti me inicialet V.P 29 vjeç, nuk ka qenë dakord me vendimin e arbitrit për penallti dhe për këtë arsye e ka goditur atë.
Ndërkohë nga policia bëhet me dije se materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme procedurale.
Njoftimi i policisë:
Goditi për shkak të detyrës arbitrin e ndeshjes, arrestohet në flagrancë futbollisti.
Specialistët për Hetimin e Krimit në Komisariatin e Policisë Gramsh arrestuan në flagrancë shtetasin V. P., 29 vjeç, lojtar i skuadrës së futbollit Ada, banues në Velipojë, Shkodër, pasi në stadiumin e qytetit të Gramshit, gjatë zhvillimit të ndeshjes ndërmjet ekipeve Gramshi-Ada, ka goditur dhe fyer arbitrin e ndeshjes, shtetasin B. L., 32 vjeç, banues në Tiranë, pasi nuk ishte dakort me ekzekutimin e një penalltie.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme procedurale.ka.ta/Fjala.al./
