Ministrja e Shëndetësisë, Ogerta Manastirliu ka publikuar në rrjetet sociale pamje nga brenda spitalit Infektiv. Në foto shihet një pacient i shtrirë dhe një mjek i veshur me kostumin e posaçëm mbrojtës.
Krahas fotos, Manastirliu apelon që infermierët duhen ndihmuar duke nxitur ndjenjën e përgjegjësisë te qytetarët jashtë spitaleve, ende të pa-infektuar duke respektuar masat e vendosura nga autoritetet.
“SPITALI INFEKTIV
Infermier Korabi është aktualisht në shërbim, duke u kujdesur për pacientët e shtruar në spital, me simptoma të rënduara, si pasojë e virusit të rrezikshëm COVID19.
T’i ndihmojmë, duke nxitur ndjenjën e përgjegjësisë tek çdo qytetar, për respektimin e disa masave të thjeshta, efikase për të frenuar përhapjen e COVID19
Ruaj distancën nga të tjerët
Vendose maskën
Kujdesu për higjienën personale dhe kolektive#BASHKË kundër #COVID19′”
