Bota e sportit është në zi pas vdekjes fatale të Alex Pullin, kampioni dy herë i botës në snowboarding.
Pullin u gjet pa jetë në Goald Coast të Australisë, pasi u mbyt teksa po praktikonte peshkimin me shtizë raporton La Vanguardia.
Një zëdhënës i policisë tha se një burrë 32-vjeçar, i identifikuar më vonë si Pullin, nuk u përgjigj kur u tërhoq nga uji dhe vdiq pavarësisht se mori ndihmën e parë dhe trajtimin e urgjencës.
Aksidenti fatal ndodhi në Palm Beach rreth orës 10:40 të mëngjesit me kohën lokale dhe u gjet më pas nga një zhytës, njoftoi policia vendase.
“Një zhytës tjetër ishte në zonë dhe e gjeti atë në fund të detit dhe tërhoqi vëmendjen e sërfistave aty pranë, të cilët ishin në kërkim të rojeve bregdetare për ta nxjerrë atë.”-tha policia vendase.
I njohur me pseudonimin e Chumpy, Pullin fitoi medalje të arta në garat e snowboarding në kampionatet botërore të La Molina dhe Stoneham 2013.
Agjencia e sporteve dimërore në Australi, ‘Snow Australia’ tha se ishte e tronditur dhe e pikëlluar nga vdekja e Pullin.
“Ngushëllimet tona më të thella për familjen e Alex-it, si dhe për shokët e tij të skuadrës dhe stafin mbështetës. Alex ishte një anëtar i dashur i komunitetit Snow Australia dhe ne do të na mungojë ai shumë”.-deklaroi Snow Australia.ka.ta/Fjala.al/
