Deputeti i opozitës parlamentare, Artur Roshi deklaroi se deputetët e opozitës parlamentare do të jenë pro marrëveshjes së 5 qershorit.
Roshi u shpreh se ai së bashku me disa deputetë do japin votën pro pasi është kusht për hapjen e negociatave.
PJESË NGA DEKLARATA
Është një marrëveshje e mbështetur nga të gjithë faktorët ndërkombëtarë. Për sa i përket prekjes së Kushtetutës, ajo përmbledh të drejtat natyrore të qytetarëve. Ajo është simbol i unitetit dhe emocioneve ndërkombëtare dhe ndërhyrja nuk duhet bërë në mënyrë të njëanshme.
Partia Balli Kombëtar është një parti e hapur dhe ne kemi dalë gjithmonë mbi veten. Ne do të jemi pro kësaj marrëveshje, ne nuk morëm atë që deshëm, por është ajo që i duhet vendit. Ne para integrimit nuk mund të zgjedhim një rrugë tjetër, pasi ajo është kusht për hapjen e negocviatave.
Edhe deputeti tjetër i Ballit, Besnik Troplini u shpreh pro. “Balli Kombëtar është një parti e ndërtuar në perëndim dhe sytë tanë kanë qenë përtej detit në BE“. Vota e tretë e deklaruar pro marrëveshjes nga krahu opozitar ishte e Fatjona Dhimitrit. “Nuk mund të mbështes një propozim që heq koalicionet zgjedhore dhe ndihmon Edi Ramën. Unë jam në opozitë me Edi Ramën dhe nuk mund të bllokoj procesin e integrimit” tha ajo.
la.mi/Fjala.al
