“PS-ja do t’i qëndrojë besnike marrëveshjes së arritur për Reformën Zgjedhore, duke thënë se është një zotim për shkak se kanë hedhur firmën” deklaroi ministri për Diasporën, Pandeli Majko.
I ftuar në emisionin ‘Repolitix’, Majko sqaroi se përtej kësaj, nuk mund të shkohet, që do të thotë se nuk ka ndryshime Kushtetuese, siç opozita e re kërkon.
“Më mirë një marrëveshje e keqe sesa pa një marrëveshje fare, do votohet ajo që ka marrë “ok” nga ndërkombëtarët.
Për ndryshimet Kushtetuese do të ishte një rrugë dhe shumë udhëkryqe, fakti që ne kemi hedhur një firmë na bën të ndihemi të detyruar dhe serioziteti është se kur hedh një firmë duhet ta mbajë.
Në marrëveshje është firma e të gjithë palëve, ka qenë prezente dhe opozita që ishte brenda parlamenti.
Ndryshimet Kushtetuese nuk besoj se ka shumicën për ta hapur këtë diskutim, kërkon krijimin e një komisioni dhe pastaj vlerësimin e ndryshimeve. Nuk bëhet duke depozituar një shkresë me disa firma. Nuk mund të bëjmë më shumë se ajo që kemi firmosur në marrëveshje”, tha Majko.
la.mi/Fjala.al
