Ish-deputetja demokrate Albana Vokshi ka denoncuar nëpërmjet një postimi në “facebook” se Njësia Vendore e Kujdesit Shëndetësor në Berat është vatër e Covid-19.
Sipas saj urdhëri për mbylljen e kësaj njësie është dhënë ditën e hënë por drejtori i kësaj njësie refuzon ta mbyllë pasi ka frikë se evidentohet dështimi në marrjen e masave parandaluese.
Kjo njësi nuk është mbyllur edhe psë janë evidentuar 4 raste pozitive punonjës të kësaj njësie.
Denoncimi i Vokshit:
Njësia Vendore e Kujdesit Shëndetësor në Berat, vatër e COVID19 – Drejtori refuzon ta mbyllë!
Sipas informacionit zyrtar nga Ministria e Shëndetësisë, në Njësinë Vendore tê kujdesit Shëndetësor në Berat janë identifikuar 4 raste pozitiv me Covid19.
Urdhëri për mbylljen e kësaj njësie nga Inspektoriati Sanitar është dhënë që ditën e hënë. Por Drejtori Artur Bani, anëtar i Kryesisë së Partisë Socialiste, refuzon ta mbyllë sepse ka frikë se evidentohet dështimi në marrjen e masave parandaluese nga ana e tij dhe e qeverisë. Për Drejtorin rilindas të Edi Ramës, jetët 73 personave staf i Njësisë nuk kanë asnjë rëndesi.
Njësia tashmë është shndërruar në vatër e rrezikshme aktive infeksioni. Ministria e Shëndetësisë, Institucionet përkatëse të marrin masa për mbylljen e saj për aq kohë sa është e nevojshme.
Papërgjegjshmëria e Drejtorit është e dënueshme. Cdokush që rrezikon jetën dhe shëndetin e qytetarëve duhet të shkojë në burg. Përhapja e sëmundjeve infektive me paramendim apo jo, dënohet me burg sipas ndryshimeve të fundit të Kodit Penal.
Organi i akuzës të veprojë!! /Ra.My. Fjala.al/
