Silva Bino: Të mbyllim sërish fundjavat që të ulet numri i të infektuarve

113 563 lexime

124,178FansaPëlqeje

Shefja e Departamentit të Sëmundjeve Infektive, Silvia Bino në një intervistë në TvT është shprehur se për shkak të rritjes së numrit të infektimeve duhet marrë në konsideratë mbyllja në fundjavë, pasi në këtë mënyrë do të kemi një ulje të shifrave të rasteve të reja.

“Unë e mendoj mbylljen në fundjavë. Është një masë që duhet marrë parasysh. Le të sakrifikojmë një ose dy fundjava për të mos pasur më shumë të sëmurë.
Parashikimet nuk janë të mira për 2-3 muaj. Edhe për dy javë të tjera parashikohet të kemi raste të rritura. Ne duhet të luftojmë ta hedhim poshtë këtë që themi. Është tepër e rëndësishme”, tha ajo.

Sipas Binos, të vetmet masa janë distancimi fizik dhe mbajtja e maskave pasi tashmë jemi në një realitet të ri kur lokalet dhe çdo gjë tjetër është hapur. Ndërsa më tej, Bino shtoi se në ditë në vendin tonë kryhen rreth 800 deri në 900 testime.

“Janë ritme që kërkojnë masa. Të vetmet janë distancimi fizik dhe izolimi. Jemi në një realitet të ri. Realiteti i ri është ky: lokalet janë hapur por distancat duhet të ruhen. Kudo që shkojmë duhet të mbajmë maskë. Në mjediset e mbyllura qarkullon virusi. Bëhen 800-900 teste në 24 orë. Është e rëndësishme rritja e numrit të tyre. Më e rëndësishmja është izolimi i të infektuarve dhe karantina e kontakteve të tij”, tha ajo.

Në fund, Bino bëri një apel për të gjithë qytetarët që të tregohen vigjilentë pasi Covid-19 është një sëmundje djallëzore dhe të merr jetën pa kuptuar.

“Kam një apel: Covid është sëmundje djallëzore dhe tinzare. Sot isha vetë në Infektiv. Të mos i injorojmë ata njerëz që po e vuajnë këtë sëmundje. Është sëmundje tepër djallëzore që të merr jetën pa e kuptuar. Është një mesazh që më mirë të mbrohemi sesa t’u besojmë teorive konspirative pa baza”, tha ajo./Re.Gu/fjala.al

Të fundit

“Petulla” me miellin e BE

Shqipëria është një nga vendet e Ballkanit Perëndimor që janë më pro Bashkimit Europian. Sipas sondazhit të fundit të Eurobarometër...

Tinka Kurti në azil, ikona e kinematografisë: Do të doja të ikja sa më parë

Aktorja e madhe Tinka Kurti ka zbuluar dje për herë të parë se jeton në një azil për të moshuarit në periferi të Tiranës. Me...

Parashikimet “e frikshme” për jetën në vitet 2000, që u realizuan

Fëmijët e intervistuar në vitin 1966 bënë parashikime të sakta dhe njëkohësisht të frikshme se si do të dukej jeta në vitet 2000. BBC...

“Plakat e Prillit” rikthejnë dimrin në Pogradec/ Dëborë e pazakontë në mes të pranverës

Këtë të dielë, në qytetin e Pogradecit janë regjistruar reshje dëbore me intensitet deri në mesatar — një fenomen i pazakontë për muajin prill. Duket...

Nga nesër moti bën kthesën e papritur, ja çfarë pritet të ndodhë këtë javë

Pas një fundjave me reshje shiu dhe dëbore në disa zonë të vendit, java parashikohet të nisë me mot të qëndrueshëm. Për ditën e hënë...

Lajme të tjera

Web TV