Kryetarja e Autoritetit për Informacion për Dosjet e ish-Sigurimit të Shtetit, Gentiana Sula deklaron se dosja Camaj, ishte përgatitur me herët për studiuesin Demiraj te Universitetit Ludëig Maximilian.
Reagimi i Sulës ishte si përgjigje publike ndaj Parid Turdiut, kur ky i fundit pyeti publikisht se si ka mundësi që dosja e Camajt doli kaq shpejt.
Parid Turdiu, djali i Qazim Turdiut, pinjolli i një prej familjeve më të vjetra Tiranase që tashmë jeton në SHBA prej 3 dekadash, pyet nëse “mund të deklasifikohet një dosje, psh Camaj, pa lejen e familjes së tij?”
Ndërkohë Gentiana Sula përgjigjet se reputacioni i Camaj u dëmtua shumë nga artikulli i Tares, i cili mungoi të jepte një kontekst të plotë si ushtronin presion Sigurimi dhe UDB.
Postimi i plotë i Gentiana Sulës
Dëshiroj të sqaroj shkurt që qasja në dosje për qëllime kërkimore apo të edukimit qytetar është e garantuar, por behet konform ligjit 45/2015, dhe vendimet ( te pakten 3 ) i publikojmë online dhe letër.
Herën e parë që kërkohet një dosje, procesi është shumë i gjatë sepse përfshin kërkim në arkiva, deklasifikim, dixhitalizim, anonimizime, te cilat janë subjekt i vendimeve kolegjiale.
Herën e dytë e tutje, bëhet fare shpejt sepse nevojitet vetëm legjitimim i kërkesës dhe firmosje e deklaratës se konfidencialitetit. Prandaj studiuesit Tare apo dhe studiuesve të tjerë që paraqiten kërkesë ne AiDSSh për dosjen Camaj, janë shërbyer shumë shpejt, meqë dosja ishte përgatitur me herët për studiuesin Demiraj te Universitetit Ludëig Maximilian.
Autoriteti mund të vendose trajtim prioritiar te kërkesave nëse evidentohet interes publik. Prandaj kërkesat studimore të kësaj jave për albanalogun Camaj janë trajtuar me përparësi për shkak të debatit publik për këtë figurë historike.
Publikimi i materialeve është hallka tjetër që bëhet me kërkesë të posaçme, pasi merret mundësisht opinioni dhe burime te tjera përmes familjes se personit historik.
la.mi/Fjala.al
