Ka marrë një fitore të rëndësishme të shtunën ndaj një kundërshtari të vështirë si Teuta dhe tanimë skuadra e tij ndodhet vetëm 4 pikë, teksa kanë mbetur edhe 9 pikë në lojë, por Orges Shehi mbetet me këmbë në tokë.
“Kampionati nuk është në dorën tonë, – ka deklaruar trajneri i Kukësit. – Shpresojmë që kundërshtari të gabojë. Për dy javë jemi në 4 pikë diferencë. Nuk di të them me përqindje sa kemi shanse. Duam të fitojmë ndeshjet 100%.”
“Ekipi po vjen në nivel konkurrues, – ka vijuar ai. – 5 gola ndaj dy kundërshtarëve është vërtet shumë. Ka shumë vlerë fitorja sot (dje), sepse është një fitore. Situata psikologjike, duhet të mendojmë për ndeshjen e radhës. Na mban pranë objektiva. Por mendoj për të mërkurën, sepse është një tablo tjetër. Para pak ditësh luajtëm me Teutën. Na vendos në presion lart, ndaj e ndërtuam formacionin në bazë të kundërshtarit.”
“Edhe ne u munduam të ruanim energjitë, sepse kemi ndeshjen të mërkurën, – ka pohuar durrsaku i stolit kukësian. – Prandaj duhet t’i bënim shpejt zëvendësimet dhe të menaxhonim lojën. Nuk është situatë normal të luash çdo 3 ditë me këtë vapë dhe pas një mungese të gjatë. Por ne e vazhduam aty ku e lamë. Luajtëm ndaj kundërshtarit më të mirë të momentit. Por tani nuk është në dorën tonë. Kur je në garë me kundërshtarin, stafi dhe ne jemi para televizorit.”
“Kjo ishte puna, duhej ta vlerësonim ndeshjen tonë. E kemi ndjekur kundërsharin, por duhet të bëjmë punën tonë”, – ka përfunduar trajneri i Kukësit, Orges Shehi./Bl.Ba/Fjala.al
