Policia e Vlorës ka bërë të mundur arrestimin e dy personave si dhe sekuestrimin e 53 kg kanabis në kuadër të operacionit “Tragjasi”.
Në vijim të kontrollit të pandërprerë të territorit për parandalimin e kultivimit të lëndëve narkotioke, policia ka bërë të mundur arrestimin e shtetasit P. S., 37 vjeç, banues në fshatin Drashovicë dhe G. B., 25 vjeç, banues në Tiranë.
Gjithashtu është shpallur në kërkim një 53 vjeçar me iniciale T. T., banues në Tiranë dhe janë proceduar në gjendje të lirë kryeplaku i fshatit dhe elektricisti i zonës, M. R., 43 vjeç dhe shtetasi A. R., 37 vjeç.
Nga kontrolli dhe hetimet e kryera ka rezultuar se këta shtetas, në bashkëpunim me njëri-tjetrin kanë kultivuar fidanë të dyshuar canabis sativa në territorin e banesës së shtetasit G. B., në fshatin Tragjas.
Po ashtu, në banesën e shtetasit G. B është gjetur dhe sekuestruar një sasi prej 53 kg lëndë narkotike e dyshuar cannabis.
Gjatë kontrollit të ushtruar në banesën e shtetasit T. T. u gjetën disa fidanë narkotikë të kultivuar në një ambient të banesës, 1 armë zjarri automatike, 3 armë gjahu teke, 2 thika dhe 1 shpatë. /Ra.My. Fjala.al/
