Ogerta Manastirliu, ministrja e Shëndetësisë ka folur ditën e sotme për masat që mund të marrë qeveria në lidhje me situatën e Covid-19. E ftuar në emisionin ‘Top Talk’ në Top Channel, Manastirliu ka qetësuar qytetarët duke thënë se nuk parashikohet të ketë mbyllje sërish.
Më tej ministrja shtoi se duke parë numrin e lartë të rasteve ekspertët e shëndetësisë po bëjnë vlerësim dinamik në terren.
“Nuk parashikojmë mbyllje, por do ketë vlerësim dinamik gjithsesi nga ekspertët. Por dua të theksoj ndërgjegjësimin e individit në raport me situatën, Është ky një apel që duhet nga të gjithë edhe nga mediat. Qytetarët duhet ta kuptojnë përmasën e situatës. Ju bëj thirrje qytetarëve të mbajnë maskë në ambientet e mbyllura”, u shpreh ajo.
Rikujtojmë se pak ditë më parë Silva Bino, shefja e sëmundjeve epidemiologjike u shpreh se duhet të mbyllen sërish fundjavat për të ulur numrin e të infektuarve. Megjithë diskutimet e bëra, ende nuk është marrë një vendim i tillë. Ka.Li/fjala.al
