Ka ngjallur shumë dyshime firma e hedhur e Martin Camajt në një shkresë në të cilën ai deklaronte se pranonte të bëhej bashkëpunëtor i Sigurimit të Shtetit. Gazetari Roland Qafoku gjatë emisionit HARD TALK i vendosi përballë Auron Tares një dokument në të cilin ishte firma e Martin Camajt. Sipas gazetarit Qafoku firma e hedhur në shkresën e Sigurimit të Shtetit nuk ngjante fare me firmën e hedhur po nga Camaj në një shkresë tjetër. Përpara këtij fakti studiuesi Auron Tare tha se firma ndryshon me kalimin e moshës.
-Ky është dokumenti juaj që e keni publikuar ku ai pranon të bëhet pjesë e Sigurimit. Këtu shkruhet dhe thuhet tekstualisht: “Betohem se duke shkelmuar të kaluarën, pranoj me vullnet të plotë që jem bashkëpunëtor i Sigurimit.” Dhe firma në fund, deklaruesi emri, mbiemri, Martin Camaj. Unë kam një firmë tjetër që më rezulton që nuk është kjo e njëjta. Ky është shkrimi i Camajt.
-Çfarë viti është bërë kjo?
-Në mos gaboj në vitet 1970.
-Pra ka një diferencë prej 30 e ca vitesh. Nëse do shikoni dosjen time të pranimit të shkollës Skënderbej, me firmën që kam atje dhe firmën e sotme do e shikoni që nuk kanë lidhje me njëra-tjetrën. Megjithatë kjo është për t’u verifikuar nga laboratori. Ai dokument që ju sapo treguat është nga dosja e deklasifikuar e AIDSSH, e cila mban përgjegjësi ligjore për vërtetësinë e dokumentacionit. Sipas AIDSSH vetëm dy persona e kanë marrë dosjen zyrtarisht./Fjala.al/Ke.Ba
https://youtu.be/a6drCuxBXt4
https://www.facebook.com/watch/?v=619708155339102
