Tenisti Grigor Dimitrov është shëruar nga koronavirusi, duke bërë të mundur kështu rikthimin në fushë për The United States Open.
Bullgari u infektua me Covid-19 gjatë turneut të “Adria Summer Tour” së bashku me 3 kolegë të tjerë Novak Djokovic, Borna Coric dhe Viktor Troicki.
Ish-numri 3 në botë ishte tenisti i parë që u infektua, duke bërë që ky turne të kritikohet për masat e ulëta të sigurisë që u morën, sidomos për distancimin fizik.
Ndërsa pas një muaji turnetë e tenisit do të rinisin në Amerikë, ku do të zhvillohet edhe grand slam i The United States Open, ku bullgari synon të luajë.
“Sapo mora një lajm të shkëlqyer nga Monako, jam shëruar nga Covid-19. Faleminderit të gjithëve për mbështetjen gjatë kohës që isha në karantinë. Mezi pres të rikthehem në fushë për t’u stërvitur dhe për të qenë gati për turnetë amerikanë”, -shkruan Dimitrov krahas një fotoje në Instagram.
US Open rikthehet me 31 gusht në orën 17:00 dhe deri më tani nuk ka ndonjë komunikim për shtyrje të këtij kampionati.ka.ta/Fjala.al/
