Një sherr mes dy fqinjëve ka lënë të plagosur me armë zjarri njërin prej tyre.
Burimet nga policia bëjnë me dije se dy persona, fqinjë mes tyre, janë konfliktuar me njëri-tjetrin për motive pronësie dhe për pasojë ka mbetur i plagosur njëri prej tyre.
Ngjarja ka ndodhur në fshatin Bujan të Tropojës, rreth orës 14:30 ku shtetasi me iniciale R.B. ka plagosur me armë zjarri në afërsi të banesës së tij shtetasin A.H. efektiv policie.
Efektivi I policisë me iniciale A.H. ushtronte detyrën në Komisariatin e Policisë Tropojë por në momentin e ngjarjes ka qënë jashtë shërbimi duke theksuar që ngjarja nuk ka patur lidhje me detyrën e tij.
Njëkohësisht është ngritur grupi hetimor, i cili po shkon në vendngjarje, për zbardhjen dhe dokumentimin e plotë të rrethanave të ngjarjes./Ra.My. Fjala.al/
