Teksa shumë njerëz mendojnë se e njohin Brazilin duke ditur vetëm se kryeqyteti i Brazilit është Brazilia, se pija kombëtare është kaipirinja dhe se Rio de Zhanejro është një vend fantastik për të festuar e për t’u qetësuar në plazh, ka disa fakte të tjera të panjohura rreth Brazilit, të cilat shumë njerëz nuk i dinë.
1.Natal, që nënkupton Krishtlindje, është kryeqyteti i Rio Grande do Norte dhe iu dha ky emër, sepse u themelua më 25 dhjetor.
2.Mbiemri më i përhapur në Brazil është Silva. Shumë i përhapur si mbiemër edhe në Portugali, Silva iu dha qindra skllevërve që u sollën në vend gjatë periudhës së kolonizimit.
3.Sipas një studimi të kryer nga Shërbimi i Ushqimit, rreth 1.5 milionë pica konsumohen çdo ditë në Brazil dhe shteti i Sao Paulos është përgjegjës për konsumin e 800 mijë të tillave.
4.Festivali i Karnavaleve të Brazilit është më i famshmi në botë.
5.Deri në vitin 2023, mendohet se ekonomia e Brazilit do të ketë arritur masën e asaj të Gjermanisë.
6.Gjuha angleze nuk është shumë e përhapur, ndryshe nga sa mund të mendohet. Mosnjohja e anglishtes është e theksuar veçanërisht në qytetet jashtë Sao Paulos dhe Rio de Zhanejros.
7.Puthja e të panjohurve është një zakon i vendit për të nxitur miqësi të reja.
8. Piranjat nuk hanë njerëz. Ndryshe nga filmat horror që kanë tmerruar njerëzit, piranja është një peshk që ndodhet në shumicën e lumenjve të Brazilit dhe vendasit ia kanë dalë të shkojnë mirë me to. Ndonëse kafshojnë, piranjat nuk janë në gjendje t’i marrin jetën askujt.
9.Bikini brazilian u shpik në vitin 1987 nga shtatë motra braziliane që jetonin në Nju Jork.
10.Brazili është 100 për qind i pavarur në prodhimin e energjisë që shpenzon./St.Su/Fjala.al
