Skuadrës së Partizanit i është bllokuar transferimi i lojtarëve për plot një vit nga FIFA. Ky vendim tronditës ka ardhur për shkak të transferimit, të cilësuar të parregullt të sulmuesit Erald Çinarit në 2018-ën.
Transferimet në hyrje janë bllokuar për plot dy merkato për të kuqtë e kryeqytetit. Pra këtë verë dhe në janar, kampionët ende në fuqi të Shqipërisë nuk do mund të bëjnë asnjë afrim.
Lojtari pezullohet me plot katër muaj, ndërsa Partizani gjobitet me 80 mijë euro.
Ky vendim i FIFA-s erdhi pasi fitores së gjyqit nga klubi kroat NK Istra 1961, në lidhje me transferimin e sulmuesit.
Partizani e ka blerë kartonin e lojtarit nga Vllaznia, që fillimisht bllokoi kalimin e Çinarit te spanjollët e Deportivo Alavesh-it. Këta të fundit e kishin kaluar lojtarin me huazim në Kroaci tek NK Istra.
Kjo ngjarje mund t’i kushtojë shumë Partizanit, duke i penguar gjithë sezonin 2020-2021. Tashmë të kuqtë do mund të shesin lojtarë, por nuk mund të blejnë apo marrin me huazim të rinj.
Megjithatë duhet theksuar se kjo do ndodhë nëse vendimi i FIFA-s do qëndrojë në fuqi, pasi bëhet me dije se Partizani është vënë menjëherë në lëvizje për ta zgjidhur problemin.ka.ta/Fjala.al/
