Myrto Uzuni është zyrtarisht lojtari më i ri i Ferencvaros, duke bërë një tjetër hap përpara në karrierë.
Sulmuesi i kombëtares shqiptare ka firmosur një kontratë 4-vjeçare me ekipin hungarez nga ku do të përfitoj 300 mijë euro në sezon.
“Fjala.al” ka raportuar më herët shifrën e transferimit të tij nga Lokomotiva e Zagrebit te Ferencvaros, e cila kapte shifrën më shumë se 1 milion e 550 mijë euro. Nga shuma e transferimit ka përfituar dhe ekipi i Laçit që kishte në pronësi 20% të kartonit.
Ish-sulmuesi i Laçit do të qëndroj tek ekipi kroat deri në fund të këtij sezoni për të nisur më pas një aventure të re me kampionët hungarez.
“Jam këtu për të ndihmuar skuadrën me golat e mi. E di që Ferencvaros ka motiva shumë të larta si klub”, theksoi ndër të tjera Uzuni.
Skuadra hungareze e ka prezantuar lojtarin me disa nga golat që ka shënuar me Laçin në Kategorinë Superiore, ndërsa edhe disa të tjera me fanelëne Lokomotivës në Kroaci.
/En.Br./Fjala.al
