Situata e koronavirusit në Hong Kong duket se ka dalë jashtë kontrollit gjatë 24 orëve të fundit. Në orët e fundit janë regjistruar 100 raste të reja.
Lajmin e ka dhënë vetë Guvernatorja e Hong Kongut, Carrie Lam duke urdhëruar masa të reja për distancimin shoqëror.
“Unë mendoj se situata është me të vërtetë kritike dhe nuk ka asnjë shenjë që të mund të jetë nën kontroll për momentin,” tha ajo për gazetarët vendas.
Qendra e financave ishte një nga vendet e para që u prek nga virusi kur doli Kina nga izolimi. Por qyteti pati sukses mbresëlënës në trajtimin e sëmundjes, ku në fund të qershorit nuk u raportua asnjë rast me sëmundjen vdekjeprurëse. Sidoqoftë, në dy javët e fundit, rastet kanë filluar të shtohen dhe mjekët kanë frikë se po përhapet e shumë në territorin që ka 7.5 milion njerëz.
Carrie Lam tha se më shumë se 500 infeksione ishin konfirmuar në dy javën e fundit, duke e çuar totalin e të infektuarve në në 1.788 raste dhe 12 vdekje. Ka.Li/fjala.al
