“Marrëveshja e 5 qershorit nuk do të preket”. Kështu është shprehur opozita jashtëparlamentare, teksa nënkryetari i LSI Petrit Vasili, anëtar i Këshillit Politik deklaroi se do të kërkojnë në mbledhjen e sotme votimin e menjëhershëm dhe pa asnjë ndryshim të marrëveshjes së 5 qershorit.
Vasili u shpreh se ndërkombëtarët kanë qenë të qartë, duke theksuar se ata tashmë nuk janë më me Ramën por me interesin e Shqipërisë.
Sakaq sipas Vasilit sistemet zgjedhore nuk mund të miratohen me gjysma, pra një pjesë e listave të hapura dhe një pjesë të mbyllura, tha ai në Abcnews.
Fjala e plotë
“Komisioneri për Zgjerim ka qenë shumë i qartë. Ka kërkuar që të votohet marrëveshja e 5 qershorit pa asnjë ndryshim. Ne kemi një parlament të njëanshëm që nuk ka çfarë flet. Edi Rama nuk fiton më por asnjë lëshim nuk mund t’i bëhet Edi Ramës. 5 qershori janë rregulla të barabarta loje. I vetmi që nuk e lejoi depolitizimin ishte ai. Në këtë mes bëhet fjalë për rregulla. Edi Rama ka vetëm 30 qershorin bosh që të fitojë lojën pa kundërshtar.
Bo.Ba/fjala.al
