Policia ka bërë të mundur arrestimin e 33-vjeçarit nga Shijaku pasi për motive të dobta ka qëlluar me armë zjarri pistoletë drejt 2 personave.
Ngjarja ka ndodhur në datën 2 korrik të këtij muaji, në lagjen 13 të qytetit të Durrësit, ku A.V. ka qëlluar drejt 2 shtetasve F.T. 18 vjeç dhe Sh.T. 24 vjeç.
Shërbimet e DVP Durrës, në bashkëpunim me Komisariatin e Policisë Shijak, në vijim të punës për kapjen e personave në kërkim dhe vënien e autorëve përpara përgjegjësisë penale, ndaluan shtetasin A. V., 33 vjeç, banues në Shijak, Durrës.
Ky shtetas dyshohet se më datë 02.07.2020, në lagjen nr. 13, Plazh, Durrës, pas një konflikti për motive të dobëta, ka qëlluar me armë zjarri, në drejtim të shtetasve F. T., 18 vjeç dhe Sh. T., 24 vjeç, banues në Durrës dhe më pas ka hedhur armën e zjarrit në tokë dhe është larguar me shpejtësi për t’i shpëtuar kapjes nga Policia.
Materialet i kaluan Prokurorisë së Rrethit Gjyqësor Durrës, për veprat penale “Vrasja me dashje e mbetur në tentativë” dhe “Armëmbajtje pa leje”, për të cilën parashikohet dënimi me burgim deri në 7 vjet. /Ra.My.Fjala.al/
