Një aksident me pasojë vdekjen ka ndodhur këtë mëngjes në Urën Vajgurore. Viktima është një 71 vjeçar i cili udhëtonte me biçikletë dhe është përplasur nga një makinë.
Ngjarja ka ndodhur rreth orës 07:00 në qytetin e Urës Vajgurore, përballë Komisariatit të Policisë.
Sipas policisë, mjeti tip “Benz” fuoristradë, me targa AA 232 PR ka qenë duke udhëtuar me shpejtësi në momentin e përplasjes së të moshuarit Agim Hajdari, që sapo kishte dalë nga një lokal në anë të rrugës nacionale.
Paraprakisht, nga policia mendohet se drejtuesi i mjetit ka qenë duke qarkulluar me shpejtësi jashtë normave të lejuara në këtë zonë të banuar, ndërkohë që edhe viktima dyshohet se i ka prerë rrugët makinës, në përpjekje për të kaluar nga njëra anë e rrugës në tjetrën. Drejtuesi i mjetit, 61-vjeç është arrestuar nga policia./Fjala.al/Ke.Ba
