https://youtu.be/JfTQ9zY6hc0
Mbyllja e stadiumeve për shkak të pandemisë së Covid-19 i ka vënë në lëvizje një grup tifozësh në Poloni që të gjejnë mënyrën për të ndjekur ekipin e zemrës nga afër.
Ata kanë gjetur zgjidhjen që të shikojnë ndeshjet e futbollit, por duke ruajtur me çdo kusht distancimin fizik.
Këta persona morën me qira vinça kran që bashkitë i përdorin për të rregulluar ndriçim në qytete dhe i vendosën jashtë stadiumit për të ndjekur ndeshjen.
Dashuria e madhe për një ekip, qoftë ai i një ligë të lartë apo jo në Poloni, i ka vënë në lëvizje të pasionuarit pas futbollit.
Ata i vendosën vinçat kran në një pozicion që të mund të shikonin ndeshjen sikur të ishin brenda në stadium.
Këta persona kanë gjetur zgjidhjen që prej disa muajsh kërkohej nga të gjithë tifozët e futbollit, apo edhe sporteve të tjera.
Tashmë ndjekësit e tyre nuk kanë pse i shohin ndeshjet nga ekrani në shtëpitë e tyre, por mund të provojnë sërish ndjesinë e të ndjekurit të skuadrës së zemrës në grup.
Megjithatë duhet theksuar tashmë në një tjetër mënyrë dhe me rregulla të reja./Katerina Tafa/Fjala.al/
