Pas shqyrtimit më parë të projektit në Këshillin Teknik, Këshilli Kombëtar i Trashëgimisë Kulturore Materiale, vendosi që të nisë gërmimet arkeologjike në njësinë Administrative Rrasë, në bashkinë e Belshit.
Kërkimet pritet të kryhen nga specialistët e Institutit Kombëtar të Trashëgimisë Kulturore sipas konceptit të gërmimit arkeologjik të depozituar nga Drejtoria e Shërbimit Arkeologjik në bashkëpunim me Universitetin e Tiranës.
Më pas, gjetjet arkeologjike do të depozitohen paraprakisht në fondet e bashkisë Belsh deri në përcaktimin e destinacionit të tyre final.
Në përfundim të procesit, gjetjet arkeologjike do të regjistrohen pranë Institutit Kombëtar i Regjistrimit të Trashëgimisë Kulturore. Ka.Li/fjala.al
