Lojtari i skuadrës së Teutës, Sherif Kallaku do të veshë fanellën e Lokomotivës së Zagrebit sezonin e ardhshëm.
Lajmi që u bë publik pak ditë më parë nga grupi mediatik “FJALA” dhe edicioni sportiv “Fjala Sport” është konfirmuar nga drejtori i klubit kroat, Bozidar Sikic, i cili ka thënë se është gjetur akordi me kapitenin e Kombëtares U-21 të Shqipërisë.
Meqenëse shqiptari ka një kontratë të vlefshme edhe për një vit me durrsakët, ka shumë të ngjarë që klubi kroat do të duhet të paguajë për shërbimet e tij, por sa do të jetë ajo shumë nuk dihet raporton media kroate GERMANIAK.HR.
Vlera e tregut të këtij mesfushorit sot është 500 mijë euro, 10% më pak se sa ishte në fillim të këtij viti.
Ky transferim është tashmë fakt i kryer, por konfirmimi përfundimtar i klubit të Lokomotiva Zagreb është ende në pritje.
Kjo skuadër vazhdon të ketë nën vëzhgim lojtarët e Shqipërisë dhe ata të Kosovës. Pas Uzunit i cili pak ditë më parë nënshkroi transferimin te skuadra hungareze e Ferencvaros-it, Mersinajt, Tucit, Cokajt dhe Kastratit kroatët tashmë do të kenë pjesë të tyre edhe Sherif Kallakun./Katerina Tafa/ Fjala.al/
