Shpesh herë na bie rasti të degjojmë histori nga më të çuditshmet ,por jo gjithmonë ato janë kaq të veçanta sa këto urime në kartolina.Çdo ditë, luleshitësit, por jo vetëm, shohin urime nga më të bukurat deri tek më të çuditshme që mund të bëhen. Disa prej tyre kanë rrëfyer, se cili ka qenë urimi më i çuditshëm, që iu është dashur të shkruajnë apo të lexojnë:
“Një ditë më duhej të dërgoja një buqetë me shkrimin: ‘Për të vetmen time, më fal që nuk të thashë se isha i martuar’.“
“Dikush na tha të bashkonim trëndafilat më të vyshkur që kishim dhe të shkruanim: ‘Këto trëndafila janë aq të zeza sa zemra jote, bushtër.’ “
“Unë punoj në një dyqan luksoz lulesh dhe njëherë më është dashur të dërgoj këtë mesazh në dhuratë: ‘Më fal që të tradhtova. Isha tapë dhe motra jote dukej fiks si ty!’“
“Dyqani ynë kishte disa pusulla me foto të një qeni, në një shtëpi për qen. Para disa kohësh, dikush më tha të shkruaja: ‘Më fal, por unë zgjedh atë. Mund t’i mbash fëmijët.’ Meqë m’u duk shumë e dhimbshme, vendosa ta shkruaja në pusullën me qen, për ta zbutur disi situatën.”
“Kam patur një klient të rregullt, i cili i blinte lule vajzave përpara se t’i linte.”
“E fejuara ime është një luleshitëse, dhe shpesh më dërgon mesazhe qesharake, që duhet të nisë bashkë me lulet. E preferuara ime deri tani është: ‘Më falni që e rraha për vdekje mikun tuaj. Nga, David.’“
“I largova këto lule nga natyra, që ti të mund t’i shohësh teksa vdesin ngadalë në shtëpinë tënde.”
“Një familje po festonte ardhjen në jetë të dy binjakëve dhe një i afërm i shkroi: ‘Më vjen keq për lajmet e këqija. Paçi fat!’“
“Halla dhe xhaxhai im kishin patur disa keqkuptime për gjëra fare të parëndësishme me gjyshin. Kur gjyshi ndërroi jetë, halla i shkruajti në lulet e varrimit: ‘Bastardi i vjetër, mori atë që meritonte.'”
“Një herë, i dashuri im më dërgoi një duzinë me trëndafila dhe një pusullë, në të cilën shkruhej: ‘Për ty do të shkelmoja dhe një dragua bebe. ’10 vite më vonë, jemi akoma të martuar.”
“Të lutem, ma hiq block-un nga Instagrami.”
“Një ditë, një grua në dyqanin e luleve të mamit tim, shpenzoi rreth 20 minuta për të gjetur pusullën perfekte, vetëm që të shkruante: ‘Më vjen keq që je kaq idiote.’E kishte për motrën e saj.”/St.Su/Fjala.al
