Doktoresha e njohur Anila Dokle ka reaguar së fundmi nëpërmjet një postimi në ‘Facebook’ lidhur me zgjedhjet në universitete.
Dokle është shprehur se një universitet vlen aq sa vlejnë kërkuesit shkencor të saj dhe se shoqëria nuk paguan profesorët për të dhënë leksione por studentët për ti marrë ato.
Lidhur me zgjedhjet doktoresha është shprehur se përfshirja e studentëve në zgjedhjet universitare e bën këtë proces më demokratik por jo domosdoshmërisht më cilësor.
Ndër të tjera Dokle ka uruar ata të cilët do garojnë në zgjedhjet e universitetit duke ironizuar “Suksese garuesve për drejtues në universitete, veçanërisht atyre që garojnë të vetëm”.
Postimi i plotë i Dokles
Disa konsiderata(sociale) për Universitetin, meqë jemi në kohë zgjedhjesh…
-Universiteti nuk duhet të jetë vetëm qendër e dijes në kuptimin absolut të fjalës: një universitet që divorcohet nga problemet e kohës shndërrohet në manastir.
-Universiteti është diskutim, eferveshencë, jo mendim unik.
-Universitetet e sotme “shpërblejnë” nerds-at dhe “përjashtojnë” shpirtrat dinamikë dhe kreativë.
-Një universitet vlen aq sa vlejnë kërkuesit shkencorë të tij.
-Çdo universitet që merr fonde publike ka përgjjegjësi shoqërore, sidomos përgjegjësinë e cilësisë së dijes që ofron.
-Shoqëria nuk paguan që profesorët të japin leksione, por që studentët t’i marrin ato.
-Universitetet tona nuk figurojnë në ranking-un ndërkombëtar.
-Universiteti duhet t’u përgjigjet nevojave të trajnimit për të përballuar cunamin dixhital.
-Fundamentalizmi demokratik na bëri të besojmë që të gjithë kanë të drejtë të ndjekin studimet universitare. Unë nuk mendoj kështu!
-Përfshirja e studentëve në proçesin e përzgjedhjes së drejtuesve të universitetit, e bën këtë të fundit më demokratik por jo domosdoshmërisht më cilësor.
Dhe e fundit:
Suksese garuesve për drejtues në universitete, veçanërisht atyre që garojnë të vetëm! 
/Ra.My.Fjala.al/
