Adriatik Alimadhi, deputet i opozitës parlamentare ka kërkuar ditën e sotme në Kuvend verifikimin e firmave të deputetëve që kanë firmosur për ndryshimet kushtetuese
“Kam kërkuar që të verifikohen firmat e deputeteve që kanë firmosur për ndryshimet kushtetuese. Këtë shqetësim juridik e kam ngritur në këtë mbledhje. Do kërkoja që një nga listat ku kanë firmosur deputetët, të na vihej në dispozicion. Shqetësimi është shkelje ligjore. S’mund të mendoj se një deputet ka firmosur për disa apo në emër të disa deputetëve të tjerë. Kjo më duket shkelje proceduriale. E shoh të pamundur mënyrën se si operohet kur kushtetuta ka një gjithëpërfshirje në gjuhën e saj juridike dhe në rastin konkret kërkohet që 28 deputetët të opozitës parlamentare, kanë firmosur, por unë mendoj se këta deputetë, s’kanë ndërgjegjësim të saktë se për çfarë flitet më saktë për ndryshimet kushtuese. I bëj apel zotit Murrizi, se në 25 maj të vitit të kaluar kemi firmosur një dokument për ndryshimet zgjedhore, për një sistem të pastër kombëtar. Do doja që ta shihnit me realizëm, pasi kjo nisëm kushtetuese privon liritë dhe të drejtat”, tha Alimadhi.Ka.Li/fjala.al
