Akademiku Artan Fuga bën publik një studim sipas të cilit 90 për qind e gazetarëve në Shqipëri ikin nga media pas moshës 35 vjeç. Në emisionin “HARD TALK NGA ROLAND QAFOKU”, Fuga tha se kjo vjen pasi media varet nga politika.
-Media shqiptare si po funksionon?
-Interneti bashke me mediat audiovizive e vdiq shtypin e shkruar. I gjithë ky peizash kulturor ku elementë të ndryshëm të komunikimit godasin njëri-tjetrin sepse nuk ka një strategji të mirë për të mbrojtur aktorët mediatikë. Pra, interneti godet telefonin, telefoni me sinjalin e internetit dhe kompjuterit godet televizionin, televizioni bashkë me internetin ka goditur mediat e shkruara. Televizionet shqiptare ndodhen vetë në një problematikë të madhe financiare dhe ne këtë moment çfarë bëjnë? I shtrijnë dorën pushtetit. Në këtë moment, pushteti ka një ndikim të madh mbi median, bie gazetaria investigative, dhe ndodh politizimi i medias. Gazetari i ri që vjen dhe përgatitet me disa parime, ai futet menjëherë në një sistem ku i thonë: Stop! Sepse këtu jemi në një situatë tjetër nga ajo që ti kujton se jemi kur ti je në shkollë. Pastaj këtu fillon kriza e gazetarit. Nga të dhënat që kemi ne në departament, rreth 90-95% pas moshës 35-40 vjeç ikin nga media. Dhe pse ikin, kanë një mijë arsye. Se s’mund të jetë 40 vjeçari gazetar terreni që t’i shtrijë dorën politikanit me mikrofon atje./Fjala.al/Ke.Ba
https://youtu.be/bX1ZoKo4J0M
