Deputetja Rudina Hajdari gjatë fjalës së saj nga foltorja e Kuvendit ka qenë e qartë përsa i përket listave të hapura, për të cilat është shprehur se vetëm përmes tyre mund të zhduket hendeku i madh që ekziston në Shqipëri.
“Ne duhet të luftojmë për të ndëshkuar ata që kanë abuzuar me besimin tuaj. Në këtë parlament në vitin 2021 do vijnë njerëz të ndershëm e të mirë dhe jo matrapazë.
Shqipëria sot ka një ndarje shumë të madhe. Ndarja është midis atyre që kanë gllabëruar pasurinë e këtij vendi, dhe 2.8 mln shqiptarëve sot që paguajnë taksa pa marrë asnjë shërbim. Ndarja midis atyre që jetojnë në luks dhe atyre që rropaten nga mëngjesi në darkë.
Me listat e hapura kemi mundësi që këtë ndarje ne ta zhdukim, që këtë pasuri të pamasë në Shqipëri ta ndajmë për gjithë shqiptarët e jo vetëm për ata me pushtet. Ejani ta ndryshojmë këtë vend.
Nëse bashkohemi të gjithë nesër kemi mundësinë ta ndryshojmë Shqipërinë”, ishte thirrja e Hajdarit. Ka.Li/fjala.al
