Vijon zjarri në pyllin e Semanit duke djegur kurorën e gjelbër e gjelbër prej disa ditësh.
Në shuarjen e flakëve janë angazhuar të gjithë strukturat e Bashkisë Fier, ndërsa vatrat e zjarrit janë lokalizuar me anë të dronit.
Në ndihmë të forcave zjarrfikëse u kanë ardhur dhe forcat ushtarake, pasi terreni i vështirë dhe era favorizojnë zjarrin duke shkaktuar vështirësi në ndërhyrje në shuarjen e flakëve.
Deri tani flakët kanë përpirë 20 hektarë pyje e shkurre, ndërsa vijon puna për vënien e nën kontroll të zjarri dhe shuarjen e tij.
Ndërkohë pas dy ditësh lufte me flakët, zjarrfikësit e Gramshit kanë mundur të shuajnë zjarrin në pyllin e malit të Koshnicës, njësia Skëndërbegas.
Flakët përpinë me dhjetëra hektarë pyje, pisha, pemë shekullore dhe shumë gjallesa e kafshë që pyllin e gjelbra e të gjallëruar nga jeta, e kishin shtëpinë e tyre.
Në këtë zonë është hera e dytë që bie zjarr dhe ka qenë i qëllimshëm. Autoritet i bëjnë thirrje njerëzve të tregohen të përgjegjshëm, pasi një gjest i vogël i pamenduar, kushton me dhjetëra e qindra hektarë të djegur pyje. Në skenarin më të keq, rrezikon banesat dhe shtëpitë e banorëve./Bl.Ba/Fjala.al
