Lufta e Kosovës tashmë duket e largët, por makabritetet e serbëve të drejtuar nga Sllopodan Millosheviç dhe heroizmi i luftëtarëve të UÇK-së nuk mund të harrohen kurrë.
Pas luftës Gjykata e Hagës thirri si të pandehur dhe liderët serbë dhe ata shqiptarë të Kosovës që drejtuan UÇK-në e asaj kohe.
Gazetari i njohur Ilir Kadia ka publikuar në Facebook-un e tij një koment të shkurtër ku flet për përballjen e Ramushit me Milosheviçin në Hagë.
“Në korridoret e Gjykatores të Hagës Milosheviçi, me dy gjeneralë shoqëruar, përballë Ramushit,edhe ai me dy bashkëluftëtarë në krah. Gjeneralët e Milosheviçit kapardisur e ngrefosur si ai!Thua ishin para kamerave në paradë! Këta tanët me supe të rënë të dy,lodhur e mpakur!
Milosheviçi po i qesëndiste me sy kur Ramushi i thotë: -Ej,Sllobo!Nji me kta t’ kam mujt!” shkruan mës të tjerash Kadia.
Kujtojmë se Ramush Haradinaj ka dalë i pa fajshëm nga të gjitha akuzat që iu ngritën në gjykatën e Hagës. Ndërsa Sllopodan Millosheviç ndërroj jetë në qelitë e Hagës pa mundur të dënohej për të gjitha krimet kundër njerëzimit.
Postimi i plotë i Ilir Kadias
Në korridoret e Gjykatores të Hagës Milosheviçi, me dy gjeneralë shoqëruar, përballë Ramushit,edhe ai me dy bashkëluftëtarë në krah. Gjeneralët e Milosheviçit kapardisur e ngrefosur si ai!Thua ishin para kamerave në paradë! Këta tanët me supe të rënë të dy,lodhur e mpakur!
Milosheviçi po i qesëndiste me sy kur Ramushi i thotë:
-Ej,Sllobo!Nji me kta t’ kam mujt!
Rexhep Selimit deputetit të Kosovës që tregoi historinë në breg të detit në Jalë, veshur me rroba banjo, i thashë të mos ma kish thënë nëse nuk ish e vërtetë, por Mentor Beqja tha se Rexhepi kish qenë një nga luftëtarët e zbuluesit e mëdhenj të UÇK-së dhe nuk bënte shaka me kësi gjërash.
Jalë, 5 gusht 2013
la.mi/Fjala.al
