Sanna Marin, kryeministrja finlandeze është përfolur shumë për pozicionin e saj në qeveri për shkak të moshës së saj mjaft të re. Por këto ditë të gjithë po flasin për dasmën e saj.
Po, ajo më në fund kurorëzoi në martesë dashurinë e saj 16-vjeçare me Markus Raikkonen, ish-futbollist.
Marin dhe Raikkonen u njohën kur ishin 18 vjeç, e kanë jetuar së bashku që nga viti 2006. Ata kanë sëbashku një vajzë 2-vjeçe, të cilën e kanë quajtur Emma.
“Ne kemi kaluar shumë së bashku, kemi ndarë gëzime dhe pikëllime dhe kemi mbështetur njëri-tjetrin gjatë stuhive-“ shkroi Marin në Instagram.
“Ne jetuam së bashku kur ishim të vegjël, u rritëm bashkë dhe rritëm vajzën tonë të dashur.”
Kryeministrja ndau me të gjithë disa foto nga dasma e saj ku duket mjaft elegante dhe e lumtur në krahët e bashkëshortit. Për shkak të pandemisë dasma kishte vetëm 40 të ftuar./Bl.Ba/Fjala.al
