Vrasja makabër e një dite më parë në Pogradec, ku një 44-vjeçar i cilësuar me probleme mendore ka masakruar me thikë nënë e tij në fshatin Buçimas, nuk do të harrohet lehtë.
Mësohet se autori Olsi Çekiçi ishte përdorues u rregullt i lëndëve narkotike dhe se nuk ka pranuar të marrë mjekime asnjëherë, vrau nënën e tij Firdes Çekiçi , një skenë tipike e një filmi horror.
Burime bëjnë me dije se gjithçka ka nisur nga një konflikt verbal, e më pas autori ka marr thikën e ka masakruar nënën e tij, 70 vjeçaren Firdes Çekiçi, e kokën ia ka varur tek porta e shtëpisë me gjakftohtësinë më të madhe.
Historia e jetës së tij lë shumë për të dëshiruar. Ai është divorcuar nga bashkëshortja, dhe jetonte me nënën e tij dhe vajzën e tij 15-vjeçe. Mësohet gjithashtu se me ta jetonte dhe vëllai tjetër i Olsi Çekiçit, gjithashtu me probleme mendore.
Çekiçi ka deklaruar në polici se nuk është penduar për veprën penale të kryer.
“Nuk pendohem. Kjo do të ndodhte një ditë. Amanet vajzën dhe vëllain ja lë shtetit amanet”, ka thënë ai në deklaratë.
Ndërkohë në rrjetin social vihet re se ai postonte mesazhe për dashurinë, shpërndante video të Unicef, foto të Dua Lipës apo dhe të politikanëve.
Bo.Ba/fjala.al
