Në Kakavijë situata është kaotike për shkak të radhëve të gjata që janë krijuar prej ditësh.
Kjo duket edhe nga pamjet e siguruara nga Fjala.al ku njerëz të tensionuar dhe lodhur shfaqen në rrugë.
Qytetarët shqiptarë janë në pritje për të kaluar në Greqi. Mësohet se nga pala greke nuk po punohet me kapacitet të plotë.
Po ashtu temperaturat e larta vështirësojnë më shumë pritjen e tyre. Ndërkohë aksi rrugor Gjirokastër-Kakavijë është bllokuar.
Sakaq Ministria e Jashtme tha se kanë kontaktuar me palën greke dhe është konstatuar se vonesat nuk shkaktohen nga policia, po prej autoriteteve shëndetësore.
Ndërkaq, në Pikën e Kalimit Kufitar Kakavijë, ka fluks të shtuar dhe qytetarët janë detyruar të presin me orë në radhë.
