Një ditë më parë presidenti i Bjellorusisë Aleksandar Lukashenko filloi kontaktet me homologun tij rus, Vladimir Putin, pasi vendi është përfshirë nga valë trazirash pas zgjedhjeve presidenciale të kontestuara nga presidenca.
Këtë të diel mediat ruse kanë raportuar se Putin ka vendosur ta mbështetëse Lukashenkon duke ofruar edhe asistencë ushtarake nëse Bjellorusia do të cënohet nga ushtri të huaja.
Shqetësimi i Presidentit Aleksandar Lukashenko ka ardhur edhe pas përqendrimit të forcave të NATO-s në Poloni dhe Lituani, për stërvitje.
Nga ana tjetër opozita po përgatit demonstrata të reja masive sot. Svetllana Tihanovska, kundërshtarja kryesore e Lukashenkos në zgjedhjet kaluara, dje bëri thirrje për protesta masive.
Deri tani ishin arrestuar më shumë se 6.700 persona, qindra janë lënduar, ndërsa dy kanë vdekur.
Qeveria bjelloruse dje kërkoi falje dhe filloi të lirojë disa protestues.
Protestat shpërthyen në Bjellorusi pasi lideri shumëvjeçar Aleksandar Lukashenko fitoi në zgjedhjet të dielës të së kaluar. Në pushtet është nga viti 1994, Lukashenko e fitoi mandatin e gjashtë me një mbështetje prej 80 për qind të votave./Ar.Ha/Fjala.al
