Sot është 71 vjetori I një prej masakrave më të mëdha të ndodhura gjatë regjimit komunist.
Më 17 gusht të vitit 1949 me urdhër të krerëve më të lartë të saj kohe me në krye Enver Hoxhën u vranë në Mirditë 14 burra, u arrestuan 500 persona dhe u internuan 300 familje. E gjitha kjo në shenjë hakmarrje për vrasjen e Bardhok Bibës, sekretarit të Partisë së rrethit të Mirditës. 10 ditë më parë, më 7 gusht, ishte ekzekutuar nga “Komiteti i Maleve” Bardhok Biba, një përfaqësues i lartë politik i partisë së asaj kohe.
Reagimi i regjimit ishte i menjëhershëm por duhet theksuar se kundërveprimet ishin një hakmarrje më e madhe se sa ndaj Bibës por të nënshtruar masivisht popullsinë ndaj regjimit komunist. Kështu, është vërtetuar se nga të 14 pushkatuarit asnjë prej tyre nuk kishte lidhje me ngjarjen, por ata janë vrarë vetëm pse nuk përqafuan komunizmin.
Pas një gjyqi formal të dënuarit u ekzekutuan më 17 gusht 1949 në prani të rreth 3 mijë personave. Është interesant fakti që të gjitha ëkto veprime janë bërë nga ministri i Brendshëm i asaj kohe Mehmet Shehu.
Ne po botojmë sot dy shkresa që bëjnë fjalë për njoftimin për vrasjen e Bardhok Bibës por edhe të kërkesave të Shehut për të krijuar terror në të gjithë Mirditën. Mes tyre është ai sipas të cilit Shehu kërkon arrestime në 24 fshatra nga 33 që ka rrethi. Për nder të 14 viktimave disa vite më parë ne vendin e pushkatimit është vendosur një memorial. Ja cilët janë ata.
TË VRARËT E MASARKËS SË VALMIRIT
Preng Ded Kola, Orosh, varet në litar.
Pjetër D. Vila, Kaçinar, varet në litar.
Dodë Mark Biba, Kthellë Epër, varet në litar
Pjetër Paloka, Kaçinar, varet në litar
Nikollë Bardhok Bajraktari, Rrëshen, pushkatohet.
Llesh Gjon Mëlyshi, Malaj, pushkatohet.
Nikoll Llesh Bajraktari, Orosh, pushkatohet.
Ndrecë Mark Ndoj, Kaçinar, pushkatohet.
Bardhok Dodë Gjini, Prosek, pushkatohet.
Gjok Gjin Kaçi, Bukmirë, pushkatohet.
Gjergj Beleshi, Kthellë Epër, vritet për të vëllanë, Dodën.
Ndoc Gjet Çupi, Blinisht, pushkatohet.
Preng Shkurt Nikolli, Orosh, pushkatohet.
Frrok Mata, Kaçinar, pushkatohet.
/En.Br./Fjala.al
