Greqia do të rihapë shkollat për vitin e ri më 7 shtator, pavarësisht situatës së pandemisë në vend. Lajmin e ka bërë të ditur zëdhënësi i qeverisë Stelios Petsas ditën e sotme.
“Ne kemi një vit shkollor përpara që do të fillojë me 7 shtator. Ne do të duhet të përballojmë përsëri të njëjtat sfida themelore. Për të respektuar higjienën personale dhe masat e mbrojtjes.”- ka thënë Petsas për mediat vendase sot.
Petsas argumentoi se nëse të rriturit ruajnë distancën shoqërore, lajnë duart shpesh dhe mbajnë maskë, edhe fëmijët do të binden ta bëjnë këtë gjë.
“Ky është elementi kryesor që do të na mbrojë nga përhapja e virusit në mjedisin shkollor.”- u shpreh ai.
