Sfida reale e Ali Ahmetit!

113 563 lexime

124,178FansaPëlqeje

Kur Ali Ahmeti artikuloi se është koha për kryeministrin shqiptar (në Maqedoninë e Veriut) pak kush e morri seriozisht.

Shumë syresh menduan se është thjesht slogan i gjetur për makinën elektorale që do të shuhej, sapo të certifikohej rezultati i zgjedhjeve. Koha zhgënjeu skeptikët duke i dhënë të drejtë Ali Ahmetit, intuita e të cilit e ka shpërblyer sa herë ka guxuar në politikë.

Votuesit i dhanë mjaftueshëm mandat liderit të BDI-së për të materializuar sloganin. Ndërsa ish-aleati I tij, Zoran Zaevi, me shprehjen e tij të pa menduar gjatë (se shqiptarët nuk vlejnë pesë lekë) i dha motivin për të mos toleruar në negociata. E ja ku jemi!

Shqiptarët në Maqedoninë e Veriut sot politikisht kanë të njëjtin kurs shkembimi “një me një” me Maqedonasit e Zaevit. Drejtojnë pushtetin legjislativ, nëpërmjet politikanit me përvojë Talat Xhaferri. Por kanë shtuar fuqinë politike edh në ekzekutiv.

Në teorinë politike, tri shtyllat e qeverisjes janë Rendi, Ekonomia dhe Diplomacia. Shqiptarët do të drejtojnë marrëdhëniet e Maqedonisë me jashtë, pra Ministrinë e Jashtme, do të drejtojnë Ministrinë e Financave dhe do të kenë zëvendëskryeministrin e parë. Koha për kryeministrin shqiptar do të jetë në 100 ditët e fundit të këtij mandati.

Deri atëherë ka ende kohë. Deri atëherë Ali Ahmeti në veçanti, por edhe lidershipi shqiptar në tërësi, ka të tjera sfida përpara, formulën e zgjidhjes të të cilave ai e mendon larg tundimit të posteve instuticonale dhe në freskinë e Zajasit ku vazhdon të banojë.

Sfida kryesore immediate është përfaqësimi dinjitoz për të përmbushur pushtetin politik. Personalitetet e parashikuara për postet e marra duhet të jenë të tillë që të demonstrojnë nivel të lartë intelektual, figura të pastra e modele për shoqërinë në tërësi në Maqedoninë e Veriut.

Lexo edhe :  Armiku i Berishës, ministri i ardhshëm i Gjermanisë?

Pas kësaj, duket se është koha të mendohet për një strategji të re sa i përket faktit që avancimi politik të ecë edhe me përparimin real të qytetarëve shqiptare në Maqedoninë e Veriut. Përgjegjësia në këtë rast nuk është përtej gardhit.

Është detyrë e lidershipit shqiptar të emancipojë, motivojë, orientojë shqiptarët e Maqedonisë. Nëse ndodh kjo, “eksperimenti” me kryeministër shqiptar në 100 ditët e fundit të këtij mandate nuk do të dështojë. Suksesi i këtij eksperimenti do të jetë pika, ku Ali Ahmeti mund të vendosë levën për zgjedhjet e ardhshme. Koha ikën shpejt.

Të fundit

Norvegji/ U goditën nga orteku, një i vdekur dhe një i plagosur

Një shtetas britanik ka humbur jetën dhe një tjetër është plagosur pasi u goditën nga një ortek. Ngjarja ka...

Rritet numri i rasteve me fruth në SHBA! Autoritetet konfirmojnë dy viktima

Numri i viktimave nga epidemia e fruthit në Teksas dhe Nju Meksiko të SHBA-ve ka shkuar në dy, konfirmoi sot sekretari amerikan i shëndetësisë...

Pakënaqësia në punë, faktorët nxitës

Fatkeqësisht, kushtet që nxisin pakënaqësi në punë janë konkrete, ato janë aty dhe jo gjithmonë dimë si të reagojmë në kohë. Nga ana tjetër,...

Marsi dikur kishte oqeane, plazhe ‘të stilit të pushimeve’

Të dhënat nëntokësore nga Marsi sugjerojnë se planeti mund të ketë pasur dikur oqeane dhe plazhe të ngjashme me ato të Tokës, sipas një...

E ftohura mund të rrisë nivelet e sheqerit në gjak, ja çfarë të bëni

Ngritja e nivelit të sheqerit në gjak nuk ndodh vetëm pas ngrënies së një vakti të pasur me karbohidrate apo sheqerna. Ka shumë arsye të...

Lajme të tjera

Web TV