Nuk është e hera e parë që probleme të tilla hasen shpesh në rrugët tona nëpër qytet por edhe më gjerë. Po flasim për mbeturinat e hedhura vend e pavend nga vetë ne njerëzit duke mos pasur respekt për veten dhe vendin tonë.
Të tillë problem i cili është një turp, ka ngritur edhe gazetari Osman Stafa i cili tregon me anë të videove ndotjen përgjatë rrugës nga Fierza drejt liqenit te Komanit, ku për kilometra të tëra shfaqen pellgje me mbeturina nga më të ndryshmet.
Postimi i plotë
A ka me turp?
Nuk e di, por duhet një nismë e fortë për ndërgjegjësimin e shqiptarëve, në mënyrë që të mos ndosin më, çfarë t’u dalë përpara. Videot e mëposhtme i kam bërë gjatë rrugës nga Fierza drejt liqenit të Komanit. Për kilometra të tera, shikoje pellgje me mbeturina nga më të ndryshmet. Po sa e shëmtuar që dukej pamja piktoreske dhe e magjishme që të jep kjo rrugë, që të çon drejt Valbonës së bukur, apo edhe drejt Lumit të Shalës.
Shumë e shëmtuar, papërgjegjshmëri totale. Mos respekt ndaj vetes, ndaj vendit, e bukurive të shumta që kemi. Çuditeshin të huajt në traget, kur shikonin këtë tmerr. Çuditeshin dhe shihnin me habi, se çfarë i kemi shkaktuar natyrës së bukur shqiptare.
Nuk e kisha parë në këtë gjendje situatën edhe gjatë rrugës për në Liqenin e Shalës. Njëra nga vidoet i takon asaj rruge. Tailanda shqiptare, siç cilësohet, është mbushur me lloj-lloj mbeturine. Sa turp.
Mendoj se edhe në shkolla duhet një orë në javë, veç për edukimin e të rinjve që të mos ndosin vendin e tyre, dhe atë që konsumojnë ta çojnë tek koshi, e jo ta lënë, si lopa bajgën.
Nuk e di se me ç’mendje këta njerëz hedhin mbeturinat në këtë formë, por nuk ka Europë, nuk ka demokraci, nuk ka respektim të të drejtave tona, nëse nuk mësojmë të mbajmë Shqipërinë tonë pastër./Bl.Ba/Fjala.al
https://www.facebook.com/ostafa/videos/3315315128529436/?t=1
https://www.facebook.com/ostafa/videos/3315316681862614/?t=77
https://www.facebook.com/ostafa/videos/3315319378529011/?t=0
