Një 17-vjeçare e cila kishte shkuar për të pushuar në plazhin e Velipojës është gjetur dje e pajetë rreth 700-800 metra larg bregut të detit, në vendin e quajtur “Vilun”.
Fillimisht u dyshua se ajo të ishte mbytur, por sot raportohen për detaje të tjera që janë trishtuese. Thuhet se 17-vjeçarja ishte futur në ujë me skaf së bashku me një person tjetër.
Ky i fundit është kthyer në breg pak çaste më vonë i vetëm, ndërsa 17-vjeçarja e quajtur Enisa Doda është gjetur më vonë nga peshkatarët. Në trupin e saj kishte edhe shenja dhune.
Doda është me origjinë nga Burreli, por ishte banuese në Bathore. Ndërkohë ‘Fjala.al’ mëson se Indrit Bajraktari nga Postriba kishte dalë së bashku me vajzën në det me skaf.
Nuk dihet ende shkaku se pse ka vdekur vajza, por sipas pretendimit të 25 vjeçarit, vajza ka rrëshqitur nga skafi dhe është mbytur në det. Por ai shton se më pas nuk mban mend se çfarë ka ndodhur.
Për ngjarjen veprimet janë ende në hetim, ndërsa policia është ndaluar shtetasin Indrit Bajraktari. Në cilësinë e provës materiale u sekuestrua çelësi i motorit.
Materialet i kaluan Prokurorisë pranë Gjykatës së Shkallës së Parë Shkodër për veprime të mëtejshme për veprat penale “Shkaktimi i vetëvrasjes”, “Moskallëzimi i krimit” dhe “Veprime që pengojnë zbulimin e së vërtetës”./Bl.Ba/Fjala.al
